Aktori Johnny Depp dhe regjisori Tim Burton janë duke bashkëpunuar sërish për një tjetër produksion madhështor të Hollywoodit. Këtë herë bëhet fjalë për ripunimin e filmit të njohur klasik - Alice In Wonderland -. Në filmin e versionit të animuar 3D, Depp luan rolin e The Mad Hatter-it. Filmi është bazuar në romanin e vitit 1865, të autorit Charles Lutwidge Dodgson, i njohur me pseudonimin Lewis Carroll. Ai rrëfen tregimin e një vajze të quajtur Alice, e cila rrëzohet në një gropë të lepujve dhe përfundon në një botë fantazie të populluar nga krijesa karakteristike.