Protestohet me moton 'Stop enciklopedisë'. Për shkak diskriminimit që i bëhet popullit shqiptar dhe shthurjes së historisë shqiptare në Enciklopedinë maqedonase, më datë 29 shtator, e martë, duke filluar nga ora 09.29, do të bllokohet në formë proteste bulevardi 'Iliria' në Tetovë me moton 'Stop enciklopedisë', organizuar nga organizata 'Special' Maqedoni, e cila kërkon nga Akademia e Shkencave dhe Arteve të Maqedonisë, që të distancohet nga qëndrimet e saja në enciklopedinë e re dhe t'i kërkojë falje popullit shqiptar, si dhe tërheqjen e menjëhershme të botimit të enciklopedisë.
